Кіраўніцтва

Аб цэнтры

Рэспубліканскае ўнітарнае прадпрыемства «Беларускі дзяржаўны цэнтр акрэдытацыі» - Дзяржаўнае прадпрыемства «БДЦА» (БДЦА) з’яўляецца адзіным органам па акрэдытацыі ў галіне ацэнкі адпаведнасці Нацыянальнай сістэмы акрэдытацыі Рэспублікі Беларусь, які ажыццяўляе функцыі Нацыянальнага органа па акрэдытацыі Рэспублікі Беларусь з 01.09.2010 у адпаведнасці з нарматыўным прававым актам «Правила аккредитации» («Правілы акрэдытацыі») ад 31.05.2011, (у рэдакцыях Пастановы Дзяржаўнага камітэта па стандартызацыі Рэспублікі Беларусь ад 26.06.2019 г. № 39 і 22.12.2020 № 102)

У адпаведнасці з Законам Рэспублікі Беларусь N 437-З ад 24 кастрычніка 2016 г. Законом Республики Беларусь N 437-З от 24 октября 2016 г. «Об оценке соответствия техническим требованиям и аккредитации органов по оценке соответствия» («Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці») орган па акрэдытацыі ажыццяўляе наступныя функцыі:

• праводзіць акрэдытацыю, паўторную акрэдытацыю і пры станоўчых выніках акрэдытацыі выдае заяўнікам на правядзенне акрэдытацыі атэстаты акрэдытацыі;
• уносіць змяненні і (або) дапаўненні ў атэстаты акрэдытацыі, выдае іх дублікаты па ініцыятыве акрэдытаваных суб’ектаў;
• праводзіць перыядычную ацэнку кампетэнтнасці;
• адмяняе дзеянне выдадзеных атэстатаў акрэдытацыі па ініцыятыве акрэдытаваных суб’ектаў ці прыпыняе, аднаўляе або адмяняе дзеянне выдадзеных атэстатаў акрэдытацыі на падставах, устаноўленых пунктам 7 артыкула 55 і артыкулам 56 Закона Рэспублікі Беларусь N 437-З ад 24 кастрычніка 2016 г. «Об оценке соответствия техническим требованиям и аккредитации органов по оценке соответствия» («Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці»);
• прадстаўляе заяўнікам на правядзенне акрэдытацыі інфармацыю аб працэдурах акрэдытацыі;
• пры адмоўных выніках акрэдытацыі апавяшчае заяўнікаў на правядзенне акрэдытацыі пра прынятыя рашэнні аб адмове ў выдачы атэстатаў акрэдытацыі ў трохдзённы тэрмін з дня прыняцця такіх рашэнняў шляхам накіравання ім копій рашэнняў;
• апавяшчае акрэдытаваныя суб’екты пра прынятыя ім рашэнні аб унясенні змяненняў і (або) дапаўненняў у атэстаты акрэдытацыі, прыпыненні, узнаўленні, адмене іх дзеяння;
• вядзе ўлік выдадзеных атэстатаў акрэдытацыі і акрэдытаваных суб’ектаў праз фарміраванне і вядзенне рэестра Нацыянальнай сістэмы акрэдытацыі Рэспублікі Беларусь у адпаведнасці з правіламі вядзення рэестра Нацыянальнай сістэмы акрэдытацыі Рэспублікі Беларусь;
• фарміруе і вядзе нацыянальную частку Адзінага рэестра па ацэнцы адпаведнасці ў парадку, устаноўленым правам Еўразійскага эканамічнага саюза;
• вызначае парадак вядзення рэестра экспертаў па акрэдытацыі і рэестра тэхнічных экспертаў па акрэдытацыі, фарміруе і вядзе ўказаныя рэестры;
• прадстаўляе ў інтэграваную інфармацыйную сістэму Еўразійскага эканамічнага саюза звесткі і дакументы, якія датычацца акрэдытацыі і ўказаны ў Дагаворы аб Еўразійскім эканамічным саюзе;
• прымае рашэнні па зваротах аб пераглядзе рашэнняў, якія паступілі ад акрэдытаваных суб’ектаў і былі прыняты органам па акрэдытацыі ў дачыненні да гэтых акрэдытаваных суб’ектаў (рашэнні па апеляцыях), і па скаргах любых асоб на дзеянні (бяздзейнасць) акрэдытаваных суб’ектаў або органа па сертыфікацыі;
• у межах кампетэнцыі ажыццяўляе праверку фактаў, выкладзеных у зваротах грамадзян, індывідуальных прадпрымальнікаў і юрыдычных асоб, якія паступілі, у дачыненні да акрэдытаваных суб’ектаў, для прыняцця рашэнняў аб неабходнасці правядзення перыядычнай ацэнкі кампетэнтнасці ў мэтах вызначэння абгрунтаванасці такіх зваротаў;
• пры звароце заяўніка на правядзенне акрэдытацыі, які з’яўляецца замежнай юрыдычнай асобай, зарэгістраванай у дзяржаве - члене Еўразійскага эканамічнага саюза, інфармуе аб гэтым орган па акрэдытацыі адпаведнай дзяржавы - члена Еўразійскага эканамічнага саюза, калі галіна акрэдытацыі, аб якой просяць (хадайнічаюць) уключае тэхнічныя рэгламенты Еўразійскага эканамічнага саюза.

Орган па акрэдытацыі ажыццяўляе іншыя функцыі ў адпаведнасці з Законам Рэспублікі Беларусь N 437-З ад 24 кастрычніка 2016 г. «Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці», Правіламі акрэдытацыі , іншымі актамі заканадаўства Рэспублікі Беларусь, правам Еўразійскага эканамічнага саюза, а таксама з міжнароднымі дагаворамі Рэспублікі Беларусь, якія не з’яўляюцца правам Еўразійскага эканамічнага саюза.

Больш падрабязна паўнамоцтвы, правы і абавязкі органа па акрэдытацыі выкладзены ў Главе 2 нарматыўнага прававога акта «Правила аккредитации» («Правілы акрэдытацыі») ад 31.05.2011, (у рэдакцыях Пастановы Дзяржаўнага камітэта па стандартызацыі Рэспублікі Беларусь ад 26.06.2019 г. № 39 і 22.12.2020 № 102).

БДЦА праводзіць работы, звязаныя толькі з акрэдытацыяй, і не аказвае кансалтынгавыя паслугі і кансультаванне арганаў па ацэнцы адпаведнасці.

Работы па акрэдытацыі БДЦА ажыццяўляе на аснове гаспадарчых дагавораў з суб’ектамі гаспадарання, зацікаўленымі ў акрэдытацыі.